• ×

11:05 مساءً , الأربعاء 20 ذو الحجة 1440 / 21 أغسطس 2019



خلي بالك .. وإن تعدوا نعمة الله لا تحصوها.
كرم ربنا ورحمته وألطافه بك مش لازم تجيلك في شكل فلوس كثيرة أو ترقية في عملك !
كرم ربنا ورحمته وستره له أشكال كنيرة .. بس الحكاية إنك بتكون مش واخد بالك منها.
■ يعني إيه الكلام ده ؟؟
يعنى ممكن رحمته تجيك في شكل حد أتعرفت عليه قدرا دون ترتيب فيصبح لك ملاذ ومأوى.
ممكن كرمه يجيك في شكل ابتسامة يمنحها ليك حد في وقت تكون قرفان من كل اللي شفتهم في يومك.
ممكن رزقه يجيك في شكل وظيفة تلاقي مالك الشركة فيها ما يأكل حقوق ولا يظلم حد في وقت تكون أتظلمت قبل كده في وظيفة سابقة وسلبت حقوقك دون خوف من ربنا.
ممكن لطفه يجيك في شكل كلمة حلوة يكتبها لك حد في تعليق أو رسالة واتس تكون سبب في بعث الروح فيك من جديد.
ممكن كرمه وفضله يجيك في شكل واحد ما شفته من سنين ويفاجئك أنه يبحث عنك ونفسه يشوفك.
ممكن كرمه وفضله ورحماته وألطافه تجيك في شكل رضا أبوك وأمك ودعواتهم ليك وحبهم ليك وارتياحهم فيك.
ممكن ستر ربنا يجيك في شكل زميل لك في الشغل أو جار طيب أو ابن أو قريب يشرح صدرك كلما مرّ بك أو مررت عليه.
ممكن ألطاف الله كلها تجيك في شكل مقال ملهم تقراه فيتغير حالك وتذهب همومك وتشعر بأن الدنيا بخير وتقول يا ليت قريت المقال ده من زمان.
كرم ربنا ورحماته ونعمه وألطافه كثيرا ما تختبأ لك في تفاصيل حياتك بس الحكاية وما فيها أنك مش آخذ بالك منها.
وَإِن تَعُدُّوا نِعْمَتَ اللَّهِ لَا تُحْصُوهَا ۗ إِنَّ الْإِنسَانَ لَظَلُومٌ كَفَّارٌ (سورة إبراهيم : 34).
image تحية وتقدير لقرائنا ومتابعينا .. ابقوا معنا.
 0  0  1366

Powered by Dimofinf cms Version 4.0.0
Copyright© Dimensions Of Information Ltd.