• ×

12:39 مساءً , الأربعاء 4 ذو الحجة 1439 / 15 أغسطس 2018



‏‏‏◄ قصيدة : خذ قلبي إللي بالمودة صفا لك.
■ مكتبة منهل الثقافة التربوية : (المنهل اللغوي ـ قسم الثقافة الشعرية) // ۞ قائمة القصائد الثقافية // (قصيدة : خذ قلبي إللي بالمودة صفا لك).
خذ قلبي اللي بالمودة صفا لك =دام القصايد كلها ما تكفّيك
واللي تبيه إن كان عندي حلالك =ما هو كثيرٍ لا غدا بين أياديك
يا من جمعت الود كله لحالك=بأقصى خفوقٍ يفتخر بك ويغليك
أهديت قلبي فرحته في وصالك =واليوم أنا ما نيب داري وش اهديك
دام العطا معناه ساكن خيالك=ما أقدر أفسّر في خيالك معانيك
لكن تمنيت أوصل حدود بالك =وأعرف وش أغلى ما تمنّاه واعطيك
ليت السعادة دايم تصير حالك =وأحلى الأماني طول عمرك تهنّيك
والاَّ أشيل هموم نفسك بدالك =علّ الزمان اللي يزعّلك يرضيك
وإن قلت خذ من خاطري ما بدا لك=يفداك، ما يغلى على فرحتي فيك
كل المشاعر لو تبيها فدا لك =دام الشعر حتى الشعر ما يكفّيك
 0  0  2733
جميع الأوقات بتوقيت جرينتش +3 ساعات. الوقت الآن هو 12:39 مساءً الأربعاء 4 ذو الحجة 1439 / 15 أغسطس 2018.
Powered by Dimofinf cms Version 4.0.0
Copyright© Dimensions Of Information Ltd.