د. خالد محمد الصحفي. عدد المشاهدات : 3683 تاريخ النشر : 1431/03/09 (06:01 صباحاً). || عدد المشاركات : 126

بسمِ اللهِ الرحمنِ الرحيمِ.

قصيدة : تندم على خلك إذا غاب ضيه.
مكتبة منهل الثقافة التربوية // قصيدة : تندم على خلك إذا غاب ضيه.
نزعل ونتكبّــر وحنا من الطين =والكل منا صــــدّ لا أقبل خويّــه !
نفخر نقول إنا على الصد قاوين =وهــــيّ علينا في الحقيقـــــة قــــويّه !
نشفق على الطيبة وكسب الكريمين =وهذي بنا ؟ لا شك فعــــلة رديـّــــــــه !
ننسى نهايتنا وعلى وين ماشيــــن =وننسى الزمان اللي جمعنا ســـــــويّه !
المشكلة ماهي بـ حاجة لــ تخمين =ولاهي بعد يا ناس صعبـــــة القضيّـــه !
دق الرقم : كيفك هلا فيك وأهليــن =أنــا الخـــوي اللـي مـــــزعّــل خويـّـــه !
قلّه : تغيب وصـــورتك داخل العين =ويبقــىل حبك في خفـــوقي بقيـــــــّه !
أخوان حنا لو يجي بيننا شيــن =وما نفتـــــــــــرق دام المحبـــــــة نديــّــه !
خلك قــوي لا تحتــــكرك الشياطين =قبلالفوات وقبل وقت المنيـــــّــــــــه !
كلّم خويــك بأطيب الهرج واللين =وأعرف جميل الهرج يمســــح رديّـــــــه !
هذي هي الدنيا من الحين لـ الحين =لابد بين الناس تحصــــــل خطيّـــــــــه !
ومن لا يقدّر غلطــــة أحبابه الحيــن =يقـــــرأ حـــــروفي ويعتبرها هــديّه !
باكر تمر سنين وسنين وسنيـــــن =والــــــكل يرحـــــــل في الدروب المـــــديّـه !
صدقني تندم وأذكر حروفنا زين =تندم على خلك إذا غاب ضيّــــّـــــه !
◄ قائمة : الروابط الإلكترونية على الشبكة العنكبوتية.
أزرار التواصل الاجتماعي
أحدث المقالات المضافة (في القسم) :