تقول أنا لا زلت يا احمد عنيده=با عيش عمري شامخه ما اترجاك
أنا تراني بالمزايا العديده=كسبت دلوع الهوى وانت عفناك
عز الله أني عن عيونك بعيده=واعاهدك ما عاد يوم اتمناك
أنا الجميله بين خلقه فريده=وشلون ما انسى بصحبة الغير ذكراك
قلت اعشقي شخصٍ فؤادك يريده=انتي تعلمتي الخيانه ودسناك
من قريتك وابها وجده الجديده=كلٍ عرف يا خاينه وش هي مزاياك
مسكين من هو يا (بو تركي) تصيده=يشيب راسه منّها واتحداك
مغرورةٍ بالحيل صارت قصيده=لا مرها الطرقي تقل له عشقناك
من كثرة العشاق وش مستفيده=عفت الهوى وابشرك قد نسيناك
ياما نويتي لي العنا والمكيده=نسيتي كم مره (بجده) خدمناك؟
ليته يكون اسمك تغير وجيده=يامن تعلمتي الخيانه قطعناك
في دفتري كنتي لي أغلى قصيده=ومن دفتري (خمسين) مره مسحناك