• ×

05:15 صباحًا , الأحد 12 ربيع الأول 1438 / 11 ديسمبر 2016

◄ مكتبة منهل الثقافة التربوية : المنهل اللغوي (قسم الثقافة الشعرية ـ همس القوافي وبوح الخواطر) (قصيدة شعرية ـ الوفاء طبعي ولا حب الصدود).
ياعاشق الابداع والفن والذوق=وسحر الكلام وبدع غر القوافي
اسمو بفكرك وارق به دايم فوق=حتى تسمى فالرجاجيل وافي
الوفاء طبعي ولا حب الصدود=ومن يوافيني اناء اوفي معه
وان وعدت اصدق ولا اكذب فالوعود=وان حكى فيني عذول مسمعه
وكل مبداء طيب له عندي ورود=حالفً درب المهانه متبعه
ومن سأل عن داري هي دار السعود=كل خيراً من بلادي منبعه
يحترق دمي ولا حب البرود=واقدح برايي ولا نيب امعه
ديني الاسلام مادام الوجود=اقتدي بسيرة نبي والاربعة
دين ربانا وسنلنا الحدود=ومن تعداها فراسه نقطعه
الكرم ورثي ورثته مالجدود=لالفاني الضيف بابي مشرعة
يشرب الدله وكبشً عقب عود=دون ضيف الله مالي مجمعه
ومن تبشربي فيبشر بالسعود=ماعليه الا يأشر بصبعه
ومن يقدم ورد اقدم له ورود=وان بكى في يوم امسح مدمعه
ـــــــــــــــــــــــــــــــــــــــــــــــــــ
( قسم الروابط الإلكترونية ) .

 0  0  2126
التعليقات ( 0 )


منهل الثقافة التربوية مسجل لدى خدمة (معروف ـ وزارة التجارة والاستثمار ـ المملكة العربية السعودية) للتعريف بالمنصات الإلكترونية وتسجيل المرجعية الرسمية لها ..
جميع الأوقات بتوقيت جرينتش +3 ساعات. الوقت الآن هو 05:15 صباحًا الأحد 12 ربيع الأول 1438 / 11 ديسمبر 2016.

Powered by Dimofinf cms Version 4.0.0
Copyright© Dimensions Of Information Ltd.