‏الحكاية وما فيها إنك مش وآخذ بالك منها.

■ كرم ربنا ورحمته وألطافه بك مش لازم تجيلك في شكل فلوس كثيرة أو ترقية في عملك ..
كرم ربنا ورحمته وستره لها أشكال كثيرة .. بس الحكاية إنك بتكون مش وآخذ بالك منها.
يعنى إيه الكلام ده ؟
يعنى ممكن رحمته تجيء في شكل حد أتعرفت عليه قدرا دون ترتيب فيصبح لك ملاذ ومأوى ..
ممكن كرمه يجيء في شكل ابتسامة يمنحها لك أحد في وقت تكون قرفان من كل اللي شفتهم في يومك ..
ممكن كرم ربنا يجيء في شكل عيال يسمعوا كلامك مطيعين ..
ممكن كرم ربنا يجيء في شكل دعاء دعاه ليك حد تجيء كان سبب في حاجات فاضلة ..
ممكن كرم ربنا يجيء في شكل كتاب يتكلم عن أحاديث الصباح أو المساء أو أحاديث الروح فيعطيك دفعة نفسية أو روحية تمشيك فترة من الزمان.
ممكن رزقه يجيء في شكل وظيفة تلاقي مالك الشركة فيها ما يأكل حقوق ولا يظلم أحد في وقت تكون أتظلمت قبل ذلك في وظيفة سابقة وسلبت حقوقك دون خوف من ربنا.
ممكن لطفه يجيء في شكل كلمة حلوة يكتبها لك أحد في تعليق أو رسالة واتس تكون سبب في بعث الروح فيك من جديد.
ممكن كرمه وفضله يجيء في شكل واحد ما شفته من سنين ويفاجئك أنه يبحث عنك ونفسه يشوفك.
ممكن كرمه وفضله ورحماته وألطافه يجيء في شكل رضا أبوك و أمك ودعواتهم لك وحبهم لك وارتياحهم فيك.
ممكن ستر ربنا يجيء في شكل زميل لك في الشغل أو جار طيب أو ابن أو قريب يشرح صدرك كلما مرّ بك أو مررت عليه.
ممكن ألطاف الله كلها تجيء في شكل مقال ملهم تقراه فيتغير حالك وتذهب همومك وتشعر بأن الدنيا بخير وتقول يا ليت قرأت هذا المقال من زمان.
كرم ربنا ورحماته ونعمه وألطافه كثيرا ما تختبأ لك في تفاصيل حياتك .. بس الحكاية وما فيها إنك مش وآخذ بالك منها.

الرئيسية.

■ 30- قسم : المُنوَّعات الثقافية «2».

‏الحكاية وما فيها إنك مش وآخذ بالك منها.