قصيدة : ليه الزعل والتكبر وحنا من شنو ؟

د. خالد محمد الصحفي

4217 قراءة 1440/02/01 (06:01 صباحاً)

د. خالد محمد الصحفي.
۞ عدد المشاركات : «164».
قصيدة : ليه الزعل والتكبر وحنا من شنو ؟
◗مكتبة منهل الثقافة التربوية // قصيدة : ليه الزعل والتكبر وحنا من شنو ؟.
نزعل ونتكبّر وحنا من الطين =والكل منا صدّ لا أقبل خويّه
نفخر نقول إنا على الصد قاوين =وهيّ علينا في الحقيقة قويه
نشفق على الطيبة وكسب الكريمين= وهذي بنا ؟ لا شك فعلة رديه
ننسى نهايتنا وعلى وين ماشين =وننسى الزمان إللي جمعنا سويه
المشكلة ما هي بحاجة لتخمين =ولا هي بعد يا ناس صعبة القضيه
دق الرقم : كيفك هلا فيك وأهلين= أنا الخوي إللي مزعّل خويه
قلّه : تغيب وصورتك داخل العين =ويبقى لحبك في خفوقي بقيه
أخوان حنا لو يجي بيننا شين =وما نفترق دام المحبة نديه
خلك قوي لا تحتكرك الشياطين =قبل الفوات وقبل وقت المنيه
كلّم خويك بـاطيب الهرج واللين =وأعرف جميل الهرج يمسح رديه
هذي هي الدنيا من الحين للحين =لابد بين الناس تحصل خطيه
ومن لا يقدّر غلطة أحبابه الحين =يقرأ حروفي ويعتبرها هديه
باكر تمر سنين وسنين وسنين =والكل يرحل في الدروب المديه
صدقني تندم وأذكر حروفنا زين تندم =على خلك إذا غاب ضيّه
دنيا غريبة وأكثر الناس ماشين =وكم صاحبٍ والله دفنته بـيديه
■ قائمة : الروابط الإلكترونية على الشبكة العنكبوتية.
أزرار التواصل الاجتماعي

أحدث المواد المضافة (للقسم) :