• ×

11:27 مساءً , الإثنين 30 جمادي الأول 1438 / 27 فبراير 2017

مع جزيل الشكر ؛ إن جميع المشاركات المرسلة إلى منهل سيتم بمشيئة الله إدراجها تباعاً (تحقيقاً للاستفادة القصوى من المواد المنشورة في مَنْهَل اليوم ـ الشهر).

◄ قصيدة : الزعل والتكبر.
مكتبة منهل الثقافة التربوية : المنهل اللغوي (قسم الثقافة الشعرية ـ همس القوافي وبوح الخواطر) (قصيدة شعرية ـ قال الله تعالى : فمن عفا وأصلح فأجره على الله. إهداء لكل شخص به زعل على أخ له اين كان ولكل من بنفسه ذرة من الكبر عافنا الله من التكبر).
نزعل ونتكبّر وحنا من الطين=والكل منا صدّ لا أقبل خويّه
نفخر نقول إنا على الصد قاوين=وهيّ علينا في الحقيقـة قويه
نشفق على الطيبة وكسب الكريمين=وهذي بنا لاشك فعلة رديه
ننسى نهايتنا وعلى وين ماشين=وننسى الزمان اللي جمعنا سويه
المشكلة ماهي بـ حاجة لــ تخمين=ولاهي بعد ياناس صعب القضيه
دق الرقم : كيفك هلا فيك وأهليـن=أنا الخوي اللي مزعّل خويه
قلّه : تغيب وصورتك داخل العين=ويبقى لـ قدرك في خفوقي بقيه
أخوان حنا لو يجي بيننا شين=ومانفترق دام المعزه نديه
خلك قوي لاتحتكرك الشياطين=قبل الفوات وقبل وقت المنيه
كلّم خويك بـــ اطيب الهرج واللين=وأعرف جميل الهرج يمسـح رديه
هذي هي الدنيا من الحين لـ الحين=لابد بين الناس تحصل خطيه
ومن لا يقدر غلطة أصحابه الحيـن=يقرأ حروفي ويعتبرها هديه
باكر تمر سنين وسنين وسنين=والكل يرحل في الدروب المديه
صدقني تندم وأذكر حروفنا زين=على ابن عمك إذا غاب ضيّه
دنيا غريبة وأكثر الناس ماشين=وكم واحدٍ والله إدفنته يديه

 0  0  2160
التعليقات ( 0 )


منهل الثقافة التربوية مسجل لدى خدمة (معروف ـ وزارة التجارة والاستثمار ـ المملكة العربية السعودية) للتعريف بالمنصات الإلكترونية وتسجيل المرجعية الرسمية لها ..
جميع الأوقات بتوقيت جرينتش +3 ساعات. الوقت الآن هو 11:27 مساءً الإثنين 30 جمادي الأول 1438 / 27 فبراير 2017.