قصيدة : العتب ما هو زعل لو يضايقك كثر انفعالي

د. خالد محمد الصحفي.
4838 مشاهدة
قصيدة : العتب ما هو زعل لو يضايقك كثر انفعالي.
■ مكتبة منهل الثقافة التربوية // قسم : الثقافة الشعرية // قائمة : القصائد الثقافية // قصيدة : العتب ما هو زعل لو يضايقك كثر انفعالي.
العتب ما هو زعل لو يضايقك كثر انفعالي=وانت لو أزعل على البشر ما أزعل عليك
بس لا طال الغياب وضاقت صدور الليالي=سقت لك ما جا على البال وتحمل ما يجيك
يوم شفت الكون في غيابك شبه خالي=صحت في وجه الزمن وقلت فيك وقلت فيك
ضاقت وساع الفجوج بعيني وزاد انشغالي=وين رحت ؟ وليه رحت ؟ وإلى متى وأنا احتريك
كنت أدور في عيون الناس إجابات لسؤالي=يمكن اعرف وين رحت ؟ وليه رحت وكيف أجيك
كنت أقول لكل شارع ما وطتك أقدام غالي ؟=من كثر ما كنت أبي قربك وأبي دربك وابيييك
كنت عنك أسأل نسيم الصباح لأمر متعالي=ما حمل يمي على دربه جواب من يديك
وامتلأ صدري عتب وانت السبب في ما جرا لي=ومن بعد هول التعب جيت اشكيلك واشتكيك
تدري انك كل حبي وان غيرك ماطرا لي=وانك بقلبي لحالك وان مالك به شريك
وان قلبي لو تفجر بالعتب وقت انفعالي=زاعل منك وغيابك ما يزعلني عليك
أزرار التواصل الاجتماعي

أحدث المواد المضافة (للقسم) :