راية الإسلام بالعز منصورة=ودولة التوحيد بظلال قايدها
شرعنا الإسلام من عهد اخو نوره=البلاد اللي على الشارع وحدها
من بحر جده إلى رأس تنوره=ومن ورا الخرخير لطريف وحدها
الإمام اللي مساعيه مشكورة=سيرة المختار جاهد وجددها
بعد مية عام من وضع دستوره=كل شبر سيرة الليث جودها
يا لله انك تسقي العود وقبوره=وأحفظ الباقين في عز وأيدها
أسرة في نصر الإسلام مشهورة=السعود الله ينصره يساعدها
يا ذرا الشعب السعودي ويا سوره=الولاية والعهد لك نجددها
يا البلاد اللي على الخير مفطورة=ما احد ينكر جهودك ويجحدها
اسمها يعرف على كل معمورة=حاكم كل المشاريع شيدها
نهضة بالمملكة صارت أسطورة=والمعارف صار بالعلم رايدها
المعارف أول إنتاج باكورة=بصمته في كل حاجه تقلدها
في سماء مكة وطيبه طلع نوره=شامخ في خدمة الدين يجمدها
دارنا في كل الأقطار مذكورة=وكل مسلم يحترمها ويقصدها
ما أحد سوى سواته ولا دوره=سيرته بالخير كل يرددها
أبو متعب وإخوانه الفعل والصورة=منحصر أفعالهم لو نعددها
أمرنا شورى وراضين في شوره=ومملكتنا في ولانا نعاهدها
من نوى تخريبها تقصر شبورة=يحترق في نارنا اللي يهددها
من يجرب جربنا يقصد شعوره=والله انه لو سلم ما تعوده