• ×

01:11 صباحًا , السبت 23 ربيع الثاني 1438 / 21 يناير 2017

◄ مكتبة منهل الثقافة التربوية : المنهل اللغوي (قسم الثقافة الشعرية ـ همس القوافي وبوح الخواطر) (قصيدة شعرية ـ مهدي آل حيدر).
يا وطن حييت بالخير وعيون الصبايا= ما بعد عزتك عزة ولا بعـدك رفـاعـة
والله أن الشعر ياتي على عذب السجايا= كل ما أبحرنا لعيــنك وفلينــا شراعــة
فإن كتبنا عن عطاياك يا سيد العطايا= مزبن إلي ضامه الوقت وأضنته المجاعة
وإن كتبنا عن مزاياك يا كثر المزايا= يكفي إن النور منك ملا الدنيا شعاعه
قادك رجال (ن) ليا وقفت سوت سوايا= نسل شيخ (ن) ما تقاصر على الطولات باعه
علمونا إن الوطن دم ورجاله خلايا= وإن من يرخص دمه ما على وجهه شفاعة
يا وطن لا عز شعب (ن) تروعه المنايا= والمنايا دون حدك لنا حق (ن) وطاعة
قربوا منا الدهايا واحساس الدهايا= ما ربينا في ترابك على غير الشجاعة
والحسود إلي حكا فيك شغله بالحكايا= هذي أطباعه وإذا ودك نغير اطباعه
من بلانا راح ما عاد من عزمه بقايا= قام من هجعت منامه يدور له الفراعه
يا وطن والله إنا على صدق النوايا= من تقوت لك ذراعه كسرنا له ذراعه
والبشر ما تجهل إنا إلى جينا فدايا =نقلب الدنيا على راسها في نصف ساعة
دام حبك في دمانا ويلعب بالحنايا= والله إن تبقى على عز وأمجاد ومناعة
قالو إنا بدو وقلنا على روس البرايا= بدو نعرف نقطع الراس لحان انقطاعه
وإن بغينا شمخ الروس نجعلها وطايا= ما على هالأرض مثل السعودي واندفاعه

 0  0  2149
التعليقات ( 0 )


منهل الثقافة التربوية مسجل لدى خدمة (معروف ـ وزارة التجارة والاستثمار ـ المملكة العربية السعودية) للتعريف بالمنصات الإلكترونية وتسجيل المرجعية الرسمية لها ..
جميع الأوقات بتوقيت جرينتش +3 ساعات. الوقت الآن هو 01:11 صباحًا السبت 23 ربيع الثاني 1438 / 21 يناير 2017.