• ×

03:28 مساءً , الأربعاء 12 ربيع الثاني 1440 / 19 ديسمبر 2018



◄ قصيدة : قف تأمل.
■ مكتبة منهل الثقافة التربوية : (المنهل اللغوي ـ قسم الثقافة الشعرية) // ۞ قائمة القصائد الثقافية // (قصيدة : قف تأمل).
ضويت الشمعة الحمرا مثل فكرة=ولاعبها النسيم ولعبه يسلي
يخليها وترفع راسها كبرة=ويلفحها وتحني راسها تصلي
وقام الضي يرقص داخل الحجرة=يفز وينحني لين ارتبك ظلي
كأن الضي طفل بسِكته عثرة=أو أن الضي حين يحط ويعلي
فراشة من ضيا ما صادفت زهره=وأنا صادفت غربة مثلها مثلي
فراشة ضي لا لا شرشف القمرة=يهفهف والنسيم يغير ويولي
ويشتب الفتيل اكثر مثل جمرة=واشوف الشمعة الحمرا تناظر لي
وتذرف دمعها قطرة ورا قطرة=وانا ادري مابكت من همي وغلي
ولو تبكي على مابي من الحسرة=تناثر دمعها مثل المطر لاجلي
الا يا حيرتي والليل ياكثره=علام الشمعة الحمرا بكـت قبلي
أنا مبطي جريح وبنجرح بكرة=أنا عفت الزمان وعافني خلي
أنا كلي حزين ولا قوت عبرة=توادع ناظري تبكي على كلي
ياليت ابكي ياليت اعود للفطرة=وانا ادري جفني بدمع القهر مملي
ولكن حيلتي من عزتي زفرة=أنا ما اريدها لكنهـا تسلي
لو احبسها تقيد الشمعة بكبرة=لو اعتقها تعود الشمعة تصلي
 0  0  2227

جميع الأوقات بتوقيت جرينتش +3 ساعات. الوقت الآن هو 03:28 مساءً الأربعاء 12 ربيع الثاني 1440 / 19 ديسمبر 2018.
Powered by Dimofinf cms Version 4.0.0
Copyright© Dimensions Of Information Ltd.
(وثيقة / أعضاء) مكتبة مَنْهَل الثقافة التربوية.