• ×

03:30 مساءً , الأربعاء 8 ربيع الأول 1438 / 7 ديسمبر 2016

◄ مكتبة منهل الثقافة التربوية : المنهل اللغوي (قسم الثقافة الشعرية ـ همس القوافي وبوح الخواطر) (قصيدة شعرية ـ قف تأمل).
ضويت الشمعة الحمرا مثل فكرة=ولاعبها النسيم ولعبه يسلي
يخليها وترفع راسها كبرة=ويلفحها وتحني راسها تصلي
وقام الضي يرقص داخل الحجرة=يفز وينحني لين ارتبك ظلي
كأن الضي طفل بسِكته عثرة=أو أن الضي حين يحط ويعلي
فراشة من ضيا ما صادفت زهره=وانا صادفت غربة مثلها مثلي
فراشة ضي لا لا شرشف القمرة=يهفهف والنسيم يغير ويولي
ويشتب الفتيل اكثر مثل جمرة=واشوف الشمعة الحمرا تناظر لي
وتذرف دمعها قطرة ورا قطرة=وانا ادري مابكت من همي وغلي
ولو تبكي على مابي من الحسرة=تناثر دمعها مثل المطر لاجلي
الا يا حيرتي والليل ياكثره=علام الشمعة الحمرا بكـت قبلي
أنا مبطي جريح وبنجرح بكرة=أنا عفت الزمان وعافني خلي
أنا كلي حزين ولا قوت عبرة=توادع ناظري تبكي على كلي
ياليت ابكي ياليت اعود للفطرة=وانا ادري جفني بدمع القهر مملي
ولكن حيلتي من عزتي زفرة=أنا ما اريدها لكنهـا تسلي
لو احبسها تقيد الشمعة بكبرة=لو اعتقها تعود الشمعة تصلي

 0  0  1277
التعليقات ( 0 )


منهل الثقافة التربوية مسجل لدى خدمة (معروف ـ وزارة التجارة والاستثمار ـ المملكة العربية السعودية) للتعريف بالمنصات الإلكترونية وتسجيل المرجعية الرسمية لها ..
جميع الأوقات بتوقيت جرينتش +3 ساعات. الوقت الآن هو 03:30 مساءً الأربعاء 8 ربيع الأول 1438 / 7 ديسمبر 2016.

Powered by Dimofinf cms Version 4.0.0
Copyright© Dimensions Of Information Ltd.