• ×

03:13 مساءً , الأحد 5 ربيع الأول 1438 / 4 ديسمبر 2016

‏◄ مكتبة منهل الثقافة التربوية : المنهل اللغوي (قسم الثقافة الشعرية ـ همس القوافي وبوح الخواطر) (قصيدة شعرية ـ كثير إللي تمناني).
كثير اللي تمناني وطلب ودي ولاجيته=ازعلهـم وابكّيهم واراضـي منهو اشقاني
انا باندم على خل ٍ رجاني حب وخليته=ولا باندم على منهو رجيته حب وخلاني
صحيح الوقت ياصاح يبيّن كل ما اخفيته=وانا كلي غلا اعطيت وبالجرح تجزاني
انا من وقت ما شفته وعشقته حيل وحبيته=فديته غالي العمر وملك قلبي ووجداني
عطيته وما حسبت حساب جروحه وتحاليته=وقلت الله على خلي هدية ربي وجاني
ما دام الغدر إسلوبك وحبي لك تناسيته=دخيلك امسح ارقامي واسمي وعنواني
انا مالي بحب أبكم جيته وكم ترجيته=طلبته يقول احبك بس ولكنه تناساني
غريبه دنيتي والله غريب الحزن عانيته=غريبه حلمي يتحطم وعمري كله اعاني
انا الطيبه من عيوبي وصدقي طفل ربيته=وعلمته على الاخلاص لكل إنسان ماشاني
خساره ما بدر مني لكل إنسان رديته=خساره ليتني فكرت قبل اختار خلاني
أنا آسف أنا آسف يا اغلى شخص حبيته=ابرحل واترك العالم واعيش الفرحه ثواني
ابرحل في سما عشق بكل إحساس ناديته=وابرحل عن عيون الناس وعن حب نساني

 0  0  1658
التعليقات ( 0 )


منهل الثقافة التربوية مسجل لدى خدمة (معروف ـ وزارة التجارة والاستثمار ـ المملكة العربية السعودية) للتعريف بالمنصات الإلكترونية وتسجيل المرجعية الرسمية لها ..
جميع الأوقات بتوقيت جرينتش +3 ساعات. الوقت الآن هو 03:13 مساءً الأحد 5 ربيع الأول 1438 / 4 ديسمبر 2016.

Powered by Dimofinf cms Version 4.0.0
Copyright© Dimensions Of Information Ltd.