• ×

10:16 مساءً , الجمعة 10 ربيع الأول 1438 / 9 ديسمبر 2016

‏‏◄ مكتبة منهل الثقافة التربوية : المنهل اللغوي (قسم الثقافة الشعرية ـ همس القوافي وبوح الخواطر) (قصيدة شعرية ـ حمد الفارس).
راح الغـرام وكـل شـي طوينـاه =كـل تقفـى وابتعـد فــي سبيـلـه
في لحظة عنـاد اللـي بيننـا هدمنـاه =فـي سيـل هجـر مارحمنـا بسيلـه
كـل (ن) تناسـى والغـلا مانسينـاه =بقلوبنـا ثابـت ولا احــدن يزيـلـه
من يوم ما فارقته على البال ذكـراه =مـن ويـن ماراحـت عيونـي تخيلـه
لـو ابتعـد مافكـر القلـب يجفـاه =ولا كنـت افكـر يهتوينـي بديـلـه
ايست من حبه وشوفه وطرياه =وايست مـن عقـب البطـا شوفتـي لـه
لا شك بالصدفـة تلاقيـت ويـاه =مـن بعـد غيبـات السنيـن الطويلـه
شفته وكل هل دمعه مـن اقصـاه =حتـى الجسـد عيـا القـدم لا يشيلـه
اقبل ويمسح دمـع عينـه بيمنـاه =فـي شوفتـن فيهـا الامانـي قتيلـه
وكـل ذكـر ذاك العنـاد وخفايـاه =واخـر عهـود الذكريـات الجميـلـة
المشكلـة ماهـي بشوفـه ولقيـاه =المشكلـة شــي يـزيـد المليـلـة
معها صغير توهـا تـدرج خطـاه =يمشـي يباريهـا وهـي تحتمـي لـه
ماخـذ ملامحهـا حـلا فـي حلايـاه =سميـت بالرحمـن مـن نظرتي لـه
جيتـه وضميتـه ودمعـي تغشـاه =ماغيـر اضمـه فـي يدينـي واشيلـه
قالت خلاص ارجوك يكفي معاناة =قطعـت قلبـي وش بقـى نرتجـي لـه
غلطـة عمـر منـي ومنـك تركنـاه =ذاك الغـرام اللـي بقلبـي عليلـه
من يـوم فارقتـك وقلبـي ببلـواه =طيفـك معـه فـي كـل يـوم وليلـه
عسـى العنـاد الله يلعـن سوايـاه =اللـي طوانـي بالهـمـوم الثقيـلـة
والحين بعد اللي حصل وش نرجـاه =شـي انتهـى ومافـيه باليـد حيلـه
كل عسـى الله يسعـده فـي نوايـاه =هـذا قدرنـا والقـدر ننحنـي لـه
وردت تقـول (اسألـك بالله بالله) =حبـك لطفلـي وش معنـى دليلـه ؟
من ويوم ما شفتك اشوفـك تنشـاه =كنـه غـلا روحـك وقلبـك عديلـه
كنك تبي قربـه وكنـك تعنـاه =مستغربـة مـن فـوق صـدرك تشيلـه
وش هالغلا ؟؟ حبك ودمعك على شفاه =ضميتـه بصـدرك وكنـك دخيلـه
(قلت الغلا هذا بتالـي بقايـاه =طفلـك اشمـه لجـل قربـك اخيلـه)
وقلت المثل (ياخال احبك) ومعناه =من ريحة (امي) فيك ريحة مثيله !؟

 0  0  1926
التعليقات ( 0 )


منهل الثقافة التربوية مسجل لدى خدمة (معروف ـ وزارة التجارة والاستثمار ـ المملكة العربية السعودية) للتعريف بالمنصات الإلكترونية وتسجيل المرجعية الرسمية لها ..
جميع الأوقات بتوقيت جرينتش +3 ساعات. الوقت الآن هو 10:16 مساءً الجمعة 10 ربيع الأول 1438 / 9 ديسمبر 2016.

Powered by Dimofinf cms Version 4.0.0
Copyright© Dimensions Of Information Ltd.