• ×

01:47 مساءً , الإثنين 23 جمادي الأول 1438 / 20 فبراير 2017

مع جزيل الشكر ؛ إن جميع المشاركات المرسلة إلى منهل سيتم بمشيئة الله إدراجها تباعاً (تحقيقاً للاستفادة القصوى من المواد المنشورة في مَنْهَل اليوم ـ الشهر).

◄ قصيدة : تندم على خلك إذا غاب ضيه.
مكتبة منهل الثقافة التربوية : المنهل اللغوي (قسم الثقافة الشعرية ـ همس القوافي وبوح الخواطر) (قصيدة شعرية ـ تندم على خلك إذا غاب ضيه).
نزعل ونتكبّــر وحنا من الطين =والكل منا صــــدّ لا أقبل خويّــه !
نفخر نقول إنا على الصد قاوين =وهــــيّ علينا في الحقيقـــــة قــــويّه !
نشفق على الطيبة وكسب الكريمين =وهذي بنا ؟ لاشك فعــــلة رديـّــــــــه !
ننسى نهايتنا وعلى وين ماشيــــن =وننسى الزمان اللي جمعنا ســـــــويّه !
المشكلة ماهي بـ حاجة لــ تخمين =ولاهي بعد ياناس صعبـــــة القضيّـــه !
دق الرقم : كيفك هلا فيك وأهليــن =أنــا الخـــوي اللـي مـــــزعّــل خويـّـــه !
قلّه : تغيب وصـــورتك داخل العين =ويبقــىلـ حبك في خفـــوقي بقيـــــــّه !
أخوان حنا لو يجي بيننا شيــن =ومانفتـــــــــــرق دام المحبـــــــة نديــّــه !
خلك قــوي لاتحتــــكرك الشياطين =قبلالفوات وقبل وقت المنيـــــّــــــــه !
كلّم خويــك بـــ اطيب الهرج واللين =وأعرف جميل الهرج يمســــح رديّـــــــه !
هذي هي الدنيا من الحين لـ الحين =لابد بين الناس تحصــــــل خطيّـــــــــه !
ومن لايقدّر غلطــــة أحبابه الحيــن =يقـــــرأ حـــــروفي ويعتبرها هــديّه !
باكر تمر سنين وسنين وسنيـــــن =والــــــكل يرحـــــــل في الدروب المـــــديّـه !
صدقني تندم وأذكر حروفنا زين =تندم على خلك إذا غاب ضيّــــّـــــه !

 0  0  2078
التعليقات ( 0 )


منهل الثقافة التربوية مسجل لدى خدمة (معروف ـ وزارة التجارة والاستثمار ـ المملكة العربية السعودية) للتعريف بالمنصات الإلكترونية وتسجيل المرجعية الرسمية لها ..
جميع الأوقات بتوقيت جرينتش +3 ساعات. الوقت الآن هو 01:47 مساءً الإثنين 23 جمادي الأول 1438 / 20 فبراير 2017.