• ×

07:05 صباحًا , الأحد 12 ربيع الأول 1438 / 11 ديسمبر 2016

◄ مكتبة منهل الثقافة التربوية : المنهل اللغوي (قسم الثقافة الشعرية ـ همس القوافي وبوح الخواطر) (قصيدة شعرية ـ العتب ما هو زعل لو يضايقك كثر انفعالي).
العتب ما هو زعل لو يضايقك كثر انفعالي=وانت لو أزعل على البشر ما أزعل عليك
بس لاطال الغياب وضاقت صدور الليالي=سقت لك ما جا على البال وتحمل ما يجيك
يوم شفت الكون في غيابك شبه خالي=صحت في وجه الزمن وقلت فيك وقلت فيك
ضاقت وساع الفجوج بعيني وزاد انشغالي=وين رحت ؟ وليه رحت ؟ وإلى متى وأنا احتريك
كنت ادور في عيون الناس إجابات لسؤالي=يمكن اعرف وين رحت ؟ وليه رحت وكيف أجيك
كنت اقول لكل شارع ماوطتك أقدام غالي ؟=من كثر ما كنت ابي قربك وابي دربك وابيييك
كنت عنك أسأل نسيم الصباح لامر متعالي=ما حمل يمي على دربه جواب من يديك
وأمتلا صدري عتب وانت السبب في ما جرالي=ومن بعد هول التعب جيت اشكيلك واشتكيك
تدري انك كل حبي وان غيرك ماطرالي=وانك بقلبي لحالك وان مالك به شريك
وان قلبي لو تفجر بالعتب وقت انفعالي=زاعل منك وغيابك ما يزعلني عليييك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
( قسم الروابط الإلكترونية ) .

 0  0  2321
التعليقات ( 0 )


منهل الثقافة التربوية مسجل لدى خدمة (معروف ـ وزارة التجارة والاستثمار ـ المملكة العربية السعودية) للتعريف بالمنصات الإلكترونية وتسجيل المرجعية الرسمية لها ..
جميع الأوقات بتوقيت جرينتش +3 ساعات. الوقت الآن هو 07:05 صباحًا الأحد 12 ربيع الأول 1438 / 11 ديسمبر 2016.

Powered by Dimofinf cms Version 4.0.0
Copyright© Dimensions Of Information Ltd.